وكالات //

مات أطول رجل في العالم، العملاق الباكستاني المشهور غلام شابير وعمرو 43 عام، في مدينة جدة بالسعودية.

العملاق الباكستاني، لي وصلات الشهرة ديالو للعالم، كان كيعاني مسكين من مرض في القلب من سنين هادي، غير هو حالتو الصحية تدهورات بزاف مؤخرا، قبل ما يسلم الروح لخالقها نهار الاثنين.

وكان العملاق الباكستاني سبق ليه قال أنه فضل يعيش في السعودية، بعدما تجول في 42 بلاد، حيت لقا فيها الأمن والسلامة الروحية والنفسية ديالو بفضل الحرمين.

شابير، تزاد عام 1980 في باكستان، وكان حافظ على لقب أطول واحد ف العالم لمدة 6 سنين، من عام 2000 إلى 2006 حساب التصنيف ديال “غينيس”، حيت كان الطول ديالو 2 متر و55 سنتيم.