الرئيسية > آش واقع > العلاقات المغربية الاسبانية مازال مأزمة. رئيس الحكومة: خاص الوفاء فقضية الصحرا والطموح والدول الواضحة معانا سرعنا علاقاتنا بيها
20/01/2022 09:30 آش واقع

العلاقات المغربية الاسبانية مازال مأزمة. رئيس الحكومة: خاص الوفاء فقضية الصحرا والطموح والدول الواضحة معانا سرعنا علاقاتنا بيها

العلاقات المغربية الاسبانية مازال مأزمة. رئيس الحكومة: خاص الوفاء فقضية الصحرا والطموح والدول الواضحة معانا سرعنا علاقاتنا بيها

كود هناء ابو علي ///

العلاقات المغربية الاسبانية مازال فنقطة الصفر. ما طوراتش. رئيس الحكومة عزيز اخنوش اكد هاد الشي فلقاء خاص بثاتو “الاولى” و”دوزيم” البارح بالليل بمناسبة 100 يوم من رئاستو للحكومة.

اخنوش رد على سؤال تطرح ليه بخصوص العلاقات المغربية الاسبانية، “جلالة الملك كان واضح في خطاباتو. علاقات المملكة مع مختلف الشركاء مبنية على الوفاء والطموح” ثم اضاف انو كيقصد بالوفاء فقضية الصحرا.

واعطى مثال المانيا بلا ما يسميها وقال باللي تم تسريع العلاقات مع بعض الدول “اللي ظهرات وضوح فقضية الصحراء”.

هاد التصريح الرسمي المغربي جا بعد الود اللي عبر عليه ملك اسبانيا فيليبي السادس قبل ايام امام الديبلوماسيين الاسبان. دخول فيليبي فهاد الملف اللي كانت حكومة سانشيز الاشتتراكية مخرجاه منو، دليل على انو مشى للطريق المسدود. بعدها بايام زار الملك رواق المغرب فمعرض السياحة بمدريد. زار رواق ما فيه لا سفيرة لا والو. غير نائب ديالها خلاه المغرب منذ استدعاء سفيرتو.

اذن الازمة بين الدولتين غادية طول. رد البارح كان واضح بهاد الشي.

موضوعات أخرى