كود الناظور///

حوليش رئيس بلدية الناظور كل مرة كيدير شي خرجة فشكل وكيبغي يقلد رؤساء بلديات الدول الاوروبية غير هو كيخور ليها عينها.

رئيس البلدية البامي ناض كيدير بحال تحسيس بأهمية النظافة، وخرج هو والاتباع ديالو يجمعو الزبل يوم فاتح ماي، المشكل فهادشي كولو أن قطاع النظافة لي خاص البلدية تقابلو مزيان سوقو خاوي والمدينة ديما عامرة ازبال، وزادت تكفسسات اكثر هاد الايام من بعد ما دخلو عمال شركة افيردا المكلفة بقطاع النظافة فإضراب عن الطعام.

وفالوقت لي كيتسناو الناس لمدينة تتنقى بحال گاع لمدن المغربية، وهادشي طبعا بتسيير محكم من المجلس البلدي، خرج رئيس البلدية ووليداتو فخرجة استعراضية كدير العكر على الخنونة.