گود سبور//
قدرو الدفاع الحسني الجديدي ينقصو من العقوبة اللي صدرت في حقهم من طرف العصبة الوطنية لكرة القدم الاحترافية، بسبب الشعب اللي داروه شي هرگاوا من جمهورهم فماتش الفريق ضد شباب المحمدية، برسم الدورة 11 قبل أسابيع فتيران البشير بالمحمدية، واللي ضاربو غير بيناتهم وتسبب ذلك فوقوع إصابات وتوقف الماتش لدقائق.
وحسب الدفاع الحسني الجديدي اللي تقدمو باستئناف العقوبة الصادرة عليهم من لجنة التأديب، فقد قرارت لجنة الاستئناف تخفيض العقوبات من 05 مقابلات داخل الميدان إلى 03 مباريات بدون جمهور ومنع الجماهير الدكالية من التنقل لخمس مقابلات وغرامة نافذة قدرها 60.000 درهم، نظير الأحداث التي رافقت مباراة شباب المحمدية برسم الجولة 11 من البطولة الاحترافية.
وبهذا غايكون الدفاع الحسني الجديدي كمل العقوبة الصادرة عليه بالويكلو داخل التيران ديالو، بعدما لعب 3 الماتشات فتيران العبدي بالجديدة بلا جمهور، ومازال له 2 ماتشات خارج التيران ممنوع على جمهورهم التنقل لهم.
