گود سبور//

تحيدو 3 ديال لي بوان من رصيد شباب السوالم، والفريق اصبح مهدد بقوة باش ينزل إلى القسم الوطني الثاني.

وقررت العصبة الوطنية لكرة القدم الاحترافية خصم 3 نقاط من رصيد شباب السوالم، حيث دخلو المدرب المساعد محمد سبكي، فالماتش ضد اتحاد تواركة بلا يكون مكونفوكي كمدرب.

وبهاد العقوبة تراجع رصيد شباب السوالم إلى 24 نقطة، وتراجع الفريق إلى المركز 14 بعدما كان فالمركز 13 بـ27 نقطة، ودابا عندو نفس الرصيد ديال شباب المحمدية 24 نقطة اللي فالمركز 15، وفايتينهم مولودية وجدة بنقطة واحدة وهاد الفرق كاملين لاعبين دابا على البقاء، وواحد فيهم غاينزل يوم 13 يونيو موعد الدورة 30 إلى القسم الثاني.