كود سبور//

حددت العصبة الوطنية لكرة القدم الاحترافية، موعد الماتش المؤجل بين نهضة بركان والمغرب التطواني ضمن الدورة 26 من البطولة، وقررت يكون يوم الثلاثاء الجاي 7 ماي فتيران بركان مع 8 الليل.

وبخصوص الماتش ديال الجيش الملكي مع نهضة الزمامرة برسم ثمن نهائي كاس العرش، قررت العصبة الاحترافية انه يتلعب الاربعاء الجاي 8 ماي مع 6 العشية الفتيران البلدي ديال القنيطرة.

أما ماتشات ربع نهائي كاس العرش، فقررت العصبة الاحترافية ان ماتش حسنية اكادير والرجاء الرياضي يتلعب السبت 11 ماي مع 5 العشية فالتيران الكبير لمدينة اكادير، وماتش المغرب التطواني ضد المغرب الفاسي غايتلعب فنفس اليوم مع 8 الليل فتيران سانية الرمل فتطوان.

وعن نفس الدور من كاس العرش، برمجت العصبة الوطنية، ماتش أولمبيك الدشيرة مع المتؤهل من ثمن النهائي بين الجيش الملكي ونهضة الزمامرة يوم الاربعاء 15 ماي مع 5 العشية فتيران اكادير الكبير، وماتش اولمبيك خريبكة مع مولودية وجدة فنفس اليوم مع 8 الليل فتيران الفوسفاط فخريبكة.