كود سبور//

لقات العصبة الوطنية لكرة القدم الاحترافية بديل لتعويض عبد الرحيم المتمني الرئيس السابق ديال اللجنة المركزية التحكيم، بعدما قرر يحط الاستقالة ديالو ويمشي بحالو قبل ايام.

وحسب مصادر مطلعة، قررت العصبة الاحترافية لكرة القدم تعيين الحكم السابق عبد الحق القرقوري رئيس جديد للجنة المركزية للتحكيم بلاصة عبد الرحيم المتمني المستقيل بعد أشهر قليلة من التعيين ديالو.

وكلشي كيتسنا من جهاز التحكيم فالكرة المغربية خدمة كبيرة، خصوصا من بعد تراجع مستوى الحكام والاحتجاجات الكثيرة خلال السنوات الأخيرة من الفرق والجماهير واللي تزادت مؤخرا، بالإضافة إلى التحقيق اللي فتحاتو لجنة الأخلاقيات فالجامعة فشبهة التلاعب فماتشات والرشوة خلال المواسم الماضية.