كود سبور//

بدلات العصبة الوطنية لكرة القدم الاحترافية بروگرام الدورة 30 والأخيرة من البطولة، وبعدما كانت برمجت ماتشات الاندية اللي لاعبين على البقاء بوحدهم يوم الخميس 13 يونيو مع 6 العشية، بإستثناء مولودية وجدة اللي لاعبين ضد الرجاء الرياضي المنافس على اللقب، وكانت برمجت هذا الماتش فنفس يوم الجمعة 14 يونيو مع 6 العشية، فنفس توقيت ماتش الجيش الملكي المنافسين على اللقب، واللي لاعبين ضد الفتح الرياضي، وتقرر دابا برمجة الماتشات ديال الفراقي اللي لاعبين على البقاء واللي لاعبين على البطولة فيوم واحد وتوقيت واحد.

وبالتالي تحدد يوم الجمعة 14 يونيو مع 6 العشية موعد لماتشات يوسفية برشيد اللي طاحو للقسم الثاني رسميا، واللي لاعبين ضد شباب السوالم المتصارعين على البقاء، وماتش شباب المحمدية اللي حتى هما كيصارعو على البقاء ولاعبين ضد اتحاد طنجة، وماتش مولودية وجدة اللي حتى هما كيصارعو على البقاء ولاعبين ضد الرجاء الرياضي اللي منافسين على اللقب، والجيش الملكي اللي منافسين حتى هما على اللقب ولاعبين ضد الفتح الرياضي.