أميمة عطية – كود كازا ///

طالبت العصبة المغربية للدفاع عن حقوق الإنسان وزير التعليم العالي والبحث العلمي والابتكار، عز الدين ميداوي، بالوقف الفوري للرسوم المفروضة على طلبة الماستر والدكتوراه، وفتح نقاش وطني تشاركي حول هاد النظام.

وحسب رسالة مفتوحة توصلات بها “كود”، اعتبرت العصبة أن هاد الرسوم كتقدر تمس قانونيا ودستوريا وحقوقيا ، بالحق فالتعليم ومبادئ المساواة وتكافؤ الفرص والعدالة الاجتماعية، خصوصاً مع تحديدها فـ15 ألف درهم سنوياً للماستر و20 ألف للدكتوراه.

ومن جهة أخرى ، استحضرت الهيئة قرار لمحكمة النقض صادر فـ2019، وكالت إن الإدارة ما عندهاش الحق تفرض رسوم تقدر تعرقل الولوج للتكوين.

و طالبت هاد لخرا ، بمراعاة القدرة على الأداء وإقرار إعفاءات للفئات محدودة الدخل.

ورفضات العصبة فلخر، الاستناد لتجارب دول أخرى لتبرير الرسوم، مؤكدة أن أي مقارنة خاصها تراعي الظروف القانونية والاجتماعية والاقتصادية ديال كل بلد