وكالات//

وقع نقاش حاد على موقع “إكس” بين الملياردير الأمريكي إيلون ماسك وعشيقتو السابقة آشلي سانت كلير، بسبب خلاف حول نفقات ولدوهوم.

الأزمة بدات بعدما آشلي، اللي عندها 26 عام وكتعتبر من المؤثرين، نشرت فيديو كتعرض فيه السيارة ديال تسلا اللي كان ماسك هداها ليها قبل ما يتفرقو.

وقالت آشلي إنها اضطرات تبيع السيارة باش تقدر تلبي احتياجات ولدها، بعد ما ماسك وقف المساعدات المالية الشهرية اللي كان كيرسلها ليها.

في رد سريع، خرج ماسك بتغريدة على حسابه في “إكس” ورفض ما قالت آشلي، وأكد أنه رغم أنه ما متأكدش مية في المية أن الطفل هو ولدو، إلا أنه دفع ليها 2.5 مليون دولار كنفقة سابقة، وزاد عليها 500 ألف دولار كل عام. وقال أيضا، أنه مستعد يدير فحص لتأكيد النسب بلا ما يحتاج لحكم قضائي.