كود سبور//

توج فريق الجيش الملكي لكرة القدم النسوية للمرة الثانية فالتاريخ ديالو بالمركز الثالث فدوري أبطال إفريقيا للسيدات، بعدما ربح اليوم السبت فالكوت ديفوار، فريق داركو الغاني فماتش ترتيب النسخة الثالثة من المسابقة.

وسالا ماتش الجيش الملكي وداركو الغاني بنتيجة 2 لزيرو لمصلحة العسكريات، ماركاتهم كل من ماريا نيامي فالدقيقة  33، والكابيتان غزلان الشباك فالدقيقة 47، وكانو لاعبات ليفار يقدرو يزيدو اهداف اخرى ولكن التسرع حرمهم منها.

وبهذه النتيجة احتل الجيش الملكي حامل لقب النسخة الماضية، المركز الثالث فهاد النسخة من دوري ابطال افريقيا، وهي المرة الثانية اللي كيحتل فيها هذا المركز بعد عام 2021.