كود سبور//

خدام إبراهيم العسري رئيس الوداد الرياضي على رجوع كل يحيا جبران وأيمن الحسوني للفريق الأحمر.

وعلم جورنال “گود” من مصادر ودادية، ان ابراهيم العسري اتفق مع كل من يحيا جبران وأيمن الحسوني باش يرجعو للوداد، بعد الاتفاق على عقد لموسم واحد مع كل واحد فيهم مع إمكانية التجديد.

رجوع كل من يحيا جبران وأيمن الحسوني للوداد الرياضي، معول عليه إبراهيم العسري باش يبني فريق من هنا للقدام، انطلاقا من التجربة ديال هاد جوج لاعبين اللي فايت لهم دارو كاريير كبيرة مع الحمرا وربحو ألقاب، ويخلقو الانضباط فالفيستيير.