كود سبور//
التحق حمزة خابا هداف الرجاء الرياضي بفريق العربي الكويتي، بعدما سالات مدة الإعارة ديالو للفريق الأخضر.
وأعلن العربي الكويتي قبل لحظات، على رجوع حمزة خابا إلى الصفوف ديالو جاي له من الرجاء الرياضي اللي دوز معه موسم إعارة، وغيكون الرجاء دابا مطالب أنه يتعاقد مع مهاجم بقيمة الفريق.
وكان حمزة خابا من صفقات الرئيس السابق للرجاء الرياضي عزيز البدراوي، ووقع مشكل فأول الأمر بين الخضرا والعربي الكويتي على اللاعب قبل ما يتفق الأطراف الثلاثة باش يلعب مع الرجاء إعارة.
