وكالات//

قررات مقاطعة عراقية تمنع على الرجال يلبسو السروال البرمودا متوسط الطول باش “تحافظ على الذوق العام وتعزز الاحتشام والوقار”.

البوليس ديال محافظة واسط قالو فبيان رسمي إن الشرطة غادي تبدا حملة تفتيش شاملة على المقاهي و”الكوفيهات” والأماكن العامة باش تراقب السلوكات اللي ماشي لائقة وتحاسب المخالفين، خصوصاً الناس اللي لابسين ملابس غير مناسبة (برمودا).

وأضافات الشرطة أن قرار المنع ديال “البرمودا” فالأماكن العامة جاء بعدما توصلت بعدد من المناشدات من “عدد كبير من الشيوخ والوجهاء والمثقفين فالمحافظة، وزيد عليها مطالبات من بزاف من العائلات فواسط”.

وفسرت الشرطة أن هاد العائلات عبرت على قلقها من انتشار “مظاهر ما كتناسبش مع القيم الدينية والعادات الاجتماعية اللي معروف بها مجتمعنا”.