كود – سبور //

سجّل العداء المغربي عثمان الگومري إنجاز تاريخي صباح اليوم الأحد، بعدما تّْوّج بلقب النسخة 40 ديال ماراثون هامبورغ الدولي فـألمانيا، وفي نفس الوقت حطّم الرقم القياسي الوطني ديال الماراثون بتوقيت 2 ساعات و4 دقائق و24 ثانية.

الگومري قدر يربح السباق ويدوز للفينيش فالمركز الأول بفضل سرعة قوية فالكيلومترات الأخيرة مني وتفوق على الألماني صامويل فيتوي اللي جا التاني. وبهاد الأداء، حطم الرقم الوطني السابق ديالو اللي كان مسجلو فبرشلونة سنة 2023.

التألق مكانش غير ديال الگومري، حتى العداء المغربي محمد رضا الأعرابي دار نتيجة مزيانة، مني احتل المركز السادس عالمياً بتوقيت شخصي جديد ديال 2 سوايع و5 دقايق و18 ثانية.