كود سبور //

العداء الكيني سيباستيان ساوي دار إنجاز تاريخي كبير، ملي ربح ماراثون لندن فتوقيت خيالي (1:59:30)، ؤ ولا أول واحد فالعالم كيحطم هاد الرقم فسباق رسمي.

ساوي تربّى فكينيا، فواحد المنطقة معروفة بالعداءة ديال الجري، وكبر عند جداتو حيث والديه كانوا خدامين فبلاصة اخرى، وحتى مو كانت عداءة، وهاد الشي ساهم بزاف فبداية المسار ديالو، اللي تطور حتى ولى من كبار العدائين فالعالم.

هاد الإنجاز جا من بعد سنوات طويلة ديال التطور فرياضة الماراثون، من أيام أبيبي بيكيلا اللي كان كيجري حفيان وربح ذهبية أولمبية، حتى وصلنا اليوم لزمان السرعة والتكنولوجيا.

السبرديلة اللي كان لابس ساوي عاوناتو حيت خفيفة (أقل من 100 غرام) وفيها تقنيات جديدة بحال ألياف الكربونو بزاف ديال اللي طلعو اللولين كانو لابسين نفس السبرديلة.

وخا هاد النيفو لي طالع، ساوي قال إنه كيفطر غير بالخبز مع العسل وأتاي وخا يكون عندو الماراثون، وفوسط السباق كيعوض الطاقة ديالو بمواد خاصة كيشربوها الرياضيين.

المسار ديال ساوي مكانش مفرش بالورد، حيث فالبداية ديالو مكانش عندو حتى باش يغسل حوايجو، ولكن بالصبر والخدمة قدر يطلع النيفو ويربح الجوائز.