عفراء علوي محمدي- كود//

ربح ديفيد أندال، مرشح الحزب الجمهوري، بمقعد فمجلس النواب الأمريكي، ومثل المقاطعة الثامنة ف”نورث داكوتا”، واخا السيد مات وشبع موت بسبب فيروس كورونا المستجد.

والسبب اللي خلا واحد ميت، من اللخر دشهر أكتوبر اللي فات، يفوز فالانتخابات، هو اعتماد البريد الإلكتروني فالفوط، لمنع انتقال عدوى فيروس كورونا المستجد، بالإضافة لفرز الأصوات بكري، بحيث ولاية “نورث داكوتا” كانت أول ولاية تفتح أبواب الاقتراع المبكر في أوائل شتنبر اللي فات.

وكان سبق لأندال ربح فالانتخابات الأولية ديال الحزب الجمهوري فالولاية، وتعاون مع المرشح ديف نيرنيغ، وخدا دعم وتأييد 2 من أكثر الجمهوريين نفوذا في الولاية، الحاكم دوغ بورغوم، وحليف الرئيس الأميركي دونالد ترمب السيناتور كيفن كريمر.

ومع تفشي كورةنا ف”نورث داكوتا”، تقاس أندال، اللي كان ديجا كيعانب من مشاكل صحية خرى، ومشا للسبيطار اللي بقا فيه 4 أيام ومات.