كود الرباط ///
علمت “كود” ان سعد الدين العثماني رئيس الحكومة السابق دبر على بريكول جديد. على حساب ما توصلات بيه “كود” فزعيم البي جي دي السابق قدم طلب باش يكون خبير محلف فالطب النفسي لدى المحاكم فالمغرب. الدوسي تقبل ودابا اكد مصدر “كود”
دبا بقى ليه غير يؤدي اليمين امام محكمة الاستئناف بالرباط اي قدام الوكيل العام ديال العاصمة فالايام الجاية. غادي يردد بالمحكمة ” ” أقسم بالله العظيم أن أؤدي مهام الخبرة التي سيعهد بها إلي بأمانة وإخلاص ونزاهة، وأن أبدي رأيي بكل تجرد واستقلال وأن أحافظ على السر المهني”.
العثماني غادي يلجأ ليه القضاء فحالات عندها علاقة بموضوع تخصصو “علم النفس”. بالاضافة الى العيادة ديالو فالرباط دابا تزادو هاد “الخبير المحلف” باش يحسن وضعيتو المادية.
حسب مصدر “كود” فالملف ديالو تقبل ماشي حقاش كان رئيس حكومة بل لانو كان مستوفي لگاع الشروط اللي كيطلبها هاد المنصب.
