الرئيسية > آراء > العام لي جا غايلقا الاحزاب المغربية كادير الحملات ببشاعة بنادم مشارجي فالطريبورطورات و الفارگونيطات و الوسخ و عرقلة حركة السير ! سيرك عمار فاش كايكون دايز كايدوز بشكل اكثر متعة !
31/08/2021 17:00 آراء

العام لي جا غايلقا الاحزاب المغربية كادير الحملات ببشاعة بنادم مشارجي فالطريبورطورات و الفارگونيطات و الوسخ و عرقلة حركة السير ! سيرك عمار فاش كايكون دايز كايدوز بشكل اكثر متعة !

العام لي جا غايلقا الاحزاب المغربية كادير الحملات ببشاعة بنادم مشارجي فالطريبورطورات و الفارگونيطات و الوسخ و عرقلة حركة السير ! سيرك عمار فاش كايكون دايز كايدوز بشكل اكثر متعة !

سهام البارودي – كود//

الحملات الانتخابية لي كانشوفها دابا مامختالفاش بشكل كبير على الحملات الانتخابية لي عقلت عليها فالتسعينات ! اغلب الوجوه لي مشاركة فيها ديال اطفال و شباب مگحطين شاوياهم الشمش و الزلط ! نفس الطريقة ديال شحال هادي ! فثلاتين عام ماتبدلات تاحاجة ! بنادم مشارجي فالفارگونيطات و الطوموبيلات و الكلاكسون فالزنقة و الوراق مشتتين كايوسخو المدينة ! لي ماكانش شحال هادي هوا الطريبورطور و لي عوض الكروسة بالعود !

نفس الطريقة البدائية و العشوائية البشعة ! سرك عمار فاش كايكون دايز كايدوز بشكل اكثر متعة و كايوقفو الناس يتفرجو فيه و هوما عاجبهم الحال ! عكس الاحزاب ديالنا لي حتى المتعة و الفرجة ماقاداش توفرها لينا بشكل مزيان فالشوارع ! و كاتوفر لينا الضجيج و الوسخ فالطريق !

كاتحس بالحملة ماموجهاش للناس باش تقنعهم باش يصوتو لا ! الحملة فحال شي حفلة عائلية دايرها غا المرشح و حبابو و صحابو بيناتهم باش يگولو راه حنا كاينين ! اما شي اقناع مابانش ليا ؟ شي مؤتمرات ؟ شي لقاءات ؟ شي تواصل فعلي مع الناس ماكاينش ! و فاش كايكون راه كايدار حسي مسي مع صحاب شد مد سماسرية الانتخابات أما فالواجهة كاين غي الكلاكصون و الوراق مشتتين فالطرقان و الكورطيجات ديال الطريبورطورات !

موضوعات أخرى

24/09/2021 09:00

هادو يكونو وزراء خارجية احسن بكثير من بوريطة ويرجعو لديبلوماسيتنا هيبتها: هلال او بنيعيش او ابو ايوب او العمراني عندهم الكفاءة والشخصية والثقافة كتفوق على ناصر