وكالات//

بعد ما غاب 4 شهر، رجع الخبير في الزلازل الهولندي فرانك هوغربيتس باش يطلق واحد التحذير خطير ومخيف في نفس الوقت، كيقول فيه أن العالم يقدر يعرف فيه الأربعاء 13 مارس 2024 واحد الزلزال قوي بزاف ممكن يوصل لـ8 درجات على سلم ريشتر.

وخرج “عالم الزلازل” بواحد البوسط على الكونط ديالو على “إكس” كيقول فيه أنه الأربعاء كاين واحد التقارب مثير بين الكواكب.

وكيوضح الخبير وهو كيقول: “كيطرا واحد الاقتران بين الشمس مع المشتري وأورانوس كل 14 عامًا تقريبًا (آخر مرة كانت في سبتمبر 2010)، هذه المرة غادي يوقع 4 اقترانات خرين في نفس الوقت بفضل عطارد والزهرة”.

وقال العالم الهولندي أن هاد الاقترانات عادة ما كتسبب في الزلازل القوية ولي تقدر توصل القوة ديالها لـ8 درجات على سلم ريشتر.