عمـر المزيـن – كود//
كيعرف إقليم الفحص أنجزة، منذ زوال اليوم الجمعة، حالة استنفار قصوى بعد اندلاع حريق غابوي حدا جبل قريبة “عين الحمراء”، مما دفع بالسلطات المحلية إلى التعبئة للعمل على إطفاء هاد العافية.
وحسب ما علمته “كود”، من مصادر مطلعة، فإن هاد العافية شعلات في ظروف غامضة وجات على مساحات كبيرة بزايد من الغطاء الغابوي، مشيرة إلى طائرات من نوع “كنادير” وصلات وخدامة كتطفي هاد العافية.
فرق الإطفاء حسب مصادر “كود” مزال خدامة وقربات تسيطر على العافية اللي كتزيد تنشعل مع هاد الحرارة التي تعرفها المنطقة، في الوقت الذي فتح فيه تحقيق لتحديد ظروف وملابسات هاد الحادث.
العافية تساءل مرة أخرى الوكالة الوطنية للمياه والغابات، وعلى رأسها المدير العام اللي رفض يقدم الإجراءات الاستقبالية اللي خاصها تدار لمواجهة هاد الحرائق خاصة مع ارتفاعات درجات الحرارة.
“كود” كانت تواصلت مع هاد المسؤول اللي ضعيف فالتواصل بزاف لكنه رفض يجاوب على شنو هي المناطق اللي مهددة بكشل كبير بالحرائق باش الناس تعرف وترد بالها لكن السيد ممسوقش لهادشي.
