وكالات//

شعلات حرائق كبيرة فمقاطعة ساسكاتشوان في كندا، وخلفات موراها دمار كبير، خلات أكثر من 9000 شخص يضطرو يخرجو من ديورهم بالقوة، من بعدما العافية كلات أكثر من 400 دار وبناية، على حسب ما قالت جريدة “ريجينا ليدر بوست” فواحد التقرير اللي تنشر نهار 30 ماي.

الحكومة المحلية ما لقاتش حلّ آخر غير أنها تعلن حالة الطوارئ، من بعدما خرجات الحرائق على السيطرة، وكبرت بسرعة خلات المسؤولين والناس خايفين ومقلقين.

رئيس وزراء المقاطعة، سكوت مو، قال إن العدد ممكن يطلع، ويمكن يوصل لأكثر من 15 ألف شخص اللي غادي يضطرو يخليو ديورهم فالأيام الجاية، حيث العافية مازال شاعلة وكتمتد للمناطق السكنية.