وكالات//

علنات السلطات الفرانساوية أن قصر فيرساي المشهورة شعلات فيه العافية البارح الثلاثاء، قبل ما يسيطرو عليه البومبية.

ودار القصر واحد البلاغ قال فيه أن العافية شعلات غير في السطح لي كانت فيه أشغال ديال الترميم، وأكدات أنهم خرجو كاع الناس من القصر وحتى واحد ماتصاب.

https://x.com/christine_kelly/status/1800537731560575117

كما أكدوا كذلك أن الحريق ماسبب حتى شي خسائر كبيرة.

وكيتعتابر القصر ديال فرساي لي تبنا في القرن السابع عشر فعهد ملك لويس الرابع عشر، من أشهر المعالم ديال فرنسا، وكيزوروه  كل عام 9 د المليون سائح.