أنس العمري ـ كود///
العافية شاعلة فالسواق.. الخضرا كولها طلع ثمنها للسما. ومطيشة وصلات لـ15 درهما للكيلو، وبذلك دخلت مطيشة لسباق الخضر الأعلى سعرا فالأسواق المغربية، لي كتعرف، هادي أيام، موجات زيادات متتالية فعدد من المواد الغذائية.
وتشير المعطيات المتوفرة من هاد الفضاءات بالدار البيضاء إلى أن سعر الطماطم وصل، نهاية هاد السيمانية، حتى لـ 15 درهما للكيلوغرام الواحد.
أما الدنجال فبلغ ثمن الكيلوغرام الواحد منه لـ10 دراهم، والبطاطا حتى هي وصلت لـ 12 درهما وخيزو لـ8 دراهم.
وجا فلائحة الأسعار لي كاينة فالأسواق، أن سعر الكيلو واحد ديال الفلفلة وصل لـ9 دراهم، في حين طلعت اللوبيا للسما مسجلة ثمن بلغ 20 درهما للكيلو غرام الواحد.
ووفق لي كيروج وسط المهنين فإن هاد الأثمنة المرتفعة راجع لتصدير الخضر إلى الخارج.
