وكالات//

احتافل آرتشي، ولد الأمير هاري وميغان ماركل، بعيد الميلاد ديالو الخامس قبل يومين، وسط تجاهل غايب من العائلة الملكية، على حساب ماقال الجورنال ديال “ميرور” البريطاني.

تزاد آرتشي نهار 6 ماي 2019، في السبيطار ديال بورتلاند في لندن، ودوز عيد الميلاد ديالو الأخير مع عائلتو في كاليفورنيا، لي كانت فيه ختو الصغيرة ليليبيت، لي تزادت فيونيو 2021.

واخا وصل دابا للعام الخامس ف عمرو، العائلة الملكية عمرها سيفطات للدري شي تهنئة كيفما كتدير مع الدراري لخرين ديال العائلة الملكية.

وهادشي كيجي، على حساب مكيقولو الخبراء، بسباب المشاكل لي نايضة بين الكوبل الملكي والقصر من نهار قرر يتزوج بميغان ويمشي يعيش حياتو في ميريكان بعيدا عن واجبات القصر.