وكالات//

علنات إدارة أمن النقل فمريكان أنها سجّلات 3.13 مليون مسافر فطيارات نهار الحد، وهو أكبر رقم تسجّل فنهار واحد.

هاد الرقم القياسي جا فوسط الذروة ديال السفر بمناسبة عيد الشكر، رغم الشتا والرياح اللي عرفاتها منطقة الغرب الأوسط فأمريكا، على حساب رويترز.

الرقم اللي كان قبل هاد تسجّل فـ22 يونيو وكان 3.09 مليون مسافر.

وقالت مجموعة “الخطوط الجوية الأمريكية” أنها كتتوقع شركات الطيران تنقل 31 مليون مسافر فالفترة اللي كتدوم 11 يوم وكتسال نهار الاثنين.

وزادت إدارة الطيران الفيدرالية وقالت باللي غادي تقلع أكثر من 360 ألف رحلة جوية فـ9 أيام اللي كيسالاو فـ2 ديسمبر، وهذا أعلى رقم منذ 15 عام.

وقبل 2024، إدارة أمن النقل كانت سجّلات أكثر من 3 ملايين مسافر فنهار واحد غير جوج مرات، ولكن فـ2025 دازت هاد الرقم فـ8 أيام مختلفة.