الرئيسية > آش واقع > الطوموبيلات كيتباعو على الجهد فالمغرب واخا كورونا.. و”داسيا” فصدارة المبيعات ب29 ألف طوموبيل
05/09/2021 06:00 آش واقع

الطوموبيلات كيتباعو على الجهد فالمغرب واخا كورونا.. و”داسيا” فصدارة المبيعات ب29 ألف طوموبيل

الطوموبيلات كيتباعو على الجهد فالمغرب واخا كورونا.. و”داسيا” فصدارة المبيعات ب29 ألف طوموبيل

كود كازا//

نسبة المبيعات ديال الطوموبيلات الجداد فالمغرب طلعو بشكل ملحوظ، واخا كاينة الأزمة الصحية، بحيث فالاشهر الثمانية اللولة ديال هذ العام، تسجلات زيادة ديال 13,81 فالمية، بإجمالي 118 الف و382 طوموبيلة تباعت.

وهكذا، وحسب جمعية مستوردي السيارات فالمغرب AIVAM، درنا 104 ألف و288 تسجيل جديد للطوموبيلات، بزيادة ديال 11,83 فالمية، ووصل عدد المركبات التجارية الخفيفة ل14094 وحدة تباعت، بزيادة ديال 31,02 فالمية.

وفغشت اللخر تباعت 10 آلاف و999 طوموبيل، بزيادة ديال 7,51 فالمية مقارنة مع نفس الفترة من 2019.

ومازال داسيا كتجي هي اللولة ضمن ليست أكثر الطوموبيلات المبيوعة فالبلاد، بحيث تباعت منها 29 ألف و418 وحدة، كتجي بعدها رونو ب14 ألف و435 وحدة، وعاد هيونداي ب8 آلاف و502، وبوجو ب7066، وكيا 2775، وسكودا 3206، وفورد 3182، ونيسان 3174، وتويوتا 3165.

وفالمقابل تراجعات مبيعات طوموبيلات الركاب بالنسبة لفولكسفاكَن بنسبة 19,82 فالمية ب4704 طوموبيل، ونفس الشي بالنسبة لسيت اللي تراجعات ب21,68 فالمية، وفيات ب15,98 فالمية، وسيطروين ب10,79 على التوالي.

وبالنسبة للطوموبيلات التجارية الخفيفة، كاين ارتفاع فمبيعات المركة الهندية ماهيندرا ب435,71 بعد ما باغت 75، وDFSK تزادت ب193,16 فالمية باش توصل ل2829 طوموبيل، وتزادت أسهم بوجو ب100,35 باش توصل ل565 طوموبيل.

وبالنسبة للطوموبيلات الفخمة، كتجي الاودي فالمرتبة الاولى فالمبيعات، بعدها ميرسيديس وبوش، باينما الجاكَوار طاحت ب42,23 فالمية من بعد ما باعت 119 طوموبيل.

موضوعات أخرى

23/09/2021 18:00

واش الشعب طرد العشابة باش يجيو بلاصتهم الشلاهبية ؟ هاد مظاهر ديال التهيميج السياسي راه مالايقاش لمغرب 2021 ! رئيس جماعة مهرب مرشحين ! واحد انتحر ! وحدين مرايشين على منصب ! رئيسة كاتلوز مع الدقايقية احتفالا بالفوز ! هادشي ماكايبشرش بالخير

23/09/2021 16:00

غير غابت العدالة والتنمية الانتخابات رجعات لاجواء التسعينات.. الإختطافات التهديد بالقتل الخيانة الغدر الإنتحار المافيات والبلطجية مضاربين على الجماعات والمناصب.. كاع دوك رموز الفساد القديمة رجعات وأكثر قوة هاد المرة وتبلطجات على خاطرها