الرئيسية > آش واقع > الطفل الزيلاشي اللي كان غابر من الأحد الفايت. البحر لاح الجثة ديالو وتحقيق النيابة العامة هو اللي غادي يبين اش وقع ليه
27/11/2020 14:20 آش واقع

الطفل الزيلاشي اللي كان غابر من الأحد الفايت. البحر لاح الجثة ديالو وتحقيق النيابة العامة هو اللي غادي يبين اش وقع ليه

الطفل الزيلاشي اللي كان غابر من الأحد الفايت. البحر لاح الجثة ديالو وتحقيق النيابة العامة هو اللي غادي يبين اش وقع ليه

أصيلة-كود

الطفل إلياس اللي كانت الصور ديالو منتشرة في الواتساب ومواقع التواصل الاجتماعي البارح الخميس الجثة ديالو لاحها البحر بالضبط بشاطئ للارحمة التابع إداريا لمدينة أصيلا.

خرج معا الواليد ديالو الأحد الفايت للبحر كان كيعاونو في تجهيز مركب الصيد وطلب من باباه باش يمشي يلعب مع صحابو حدا البحر. الولد غبر وحتا واحد من صحابو مشافو كيفاش غبر أو رد ليه البال.

الوالدين ديالو والأقارب كانو كيظنو انه تعرض للاختطاف، لكن للأسف الولد تجبد غارق في انتظار التحقيقات القضائية للنيابة العامة ونتائج التشريح الطبي اللي غادي تبين أسباب الوفاة واش طبيعية أو كاينة شبهة جنائية تما؟.

 وتم التأكد من الجثة ديالو من طرف الأب اللي خبروه بجثة طفل غريق ومشا عندهم وتعرف على صباط وحوايج ولدو..

موضوعات أخرى