گود سبور//

تحول الاهتمام دابا إلى النسخة 35 من كأس إفريقيا “موروكو 2025” اللي غينظمها المغرب. غتدار قرعة الدور التمهيدي ديالها غدا الثلاثاء 20 فبراير 2024، فمقر الكاف بالعاصمة المصرية القاهرة مع الواحدة ديال النهار مغربية، مع العلم أن المنتخب المغربي مكاليفي تلقائيا حيث هو منظم المسابقة..

القرعة ديال الدور التمهيدي لكأس أمم إفريقيا، المغرب 2025، غيشاركو فيها المنتخبات الثمانية الأضعف في تصنيف الاتحاد الدولي لكرة القدم “فيفا”، وهي الصومال، جيبوتي، سان تاومي، التشاد، موريشيوس، جنوب السودان، ليبيريا وإسواتيني.

الماتشات ديال هذا الدور غتلعب ذهابًا وإيابًا خلال تواريخ “الفيفا” من 18 إلى 26 مارس 2024، والمنتخبات الأربعة اللي غيتأهلو من الدور التمهيدي غيوصلو على على 44 منتخب اللي معفيين منو، باش يشاركو فدور المجموعات من الإقصائيات.