الرئيسية > آش واقع > الطرح بدا يسخن فحزب السبع.. ترشيحات كتحط لمنصب المنسق الوطني وزيان ماهواش هنا
11/01/2021 17:20 آش واقع

الطرح بدا يسخن فحزب السبع.. ترشيحات كتحط لمنصب المنسق الوطني وزيان ماهواش هنا

الطرح بدا يسخن فحزب السبع.. ترشيحات كتحط لمنصب المنسق الوطني وزيان ماهواش هنا

كود كازا//

كيستعد يوسف خوادر لوضع الترشيح ديالو لمنصب المنسق الوطني للحزب المغربي الحر، بالإضافة لأعضاء خرين غيتبعوه فالأيام القليلة الجاية.

خوادر هو عضو مراهن عليه، خصوصا وأنه إطار في مجال التامينات، وعندو شهادات في القانون والتسيير من جامعة بيربينيون ففرنسا، وهو عضو فالمجلس السياسي للحزب المغربي الحر من مؤتمر 2017.

واللجنة التحضيرية حددات فترة الإعلان على الترشيحات بين 22 حتى ل27 يناير، وحددات موعد المؤتمر الاستثنائي ف30و31 من نفس الشهر.

لكن فالمقابل المكتب السياسي للحزب مامسوقش لهذشي، ومازال محمد زيان كيمارس نشاطو كمنسق وطني، ومصر على متابعة كَاع اللي ضدو قضائيا، ومنهم اللي اتهمهم بانتحال صفة قياديين فالحزب.

موضوعات أخرى