الرئيسية > آش واقع > الطبيب حمضي: خاص المغاربة يلتزمو بالكمامة ويتجنبو الزحام باش ماينتاشرش عندنا متحور “ديلتا” الهندي
24/06/2021 23:00 آش واقع

الطبيب حمضي: خاص المغاربة يلتزمو بالكمامة ويتجنبو الزحام باش ماينتاشرش عندنا متحور “ديلتا” الهندي

الطبيب حمضي: خاص المغاربة يلتزمو بالكمامة ويتجنبو الزحام باش ماينتاشرش عندنا متحور “ديلتا” الهندي

عفراء علوي محمدي- كود//

حول الفيروس المتحور “دلتا”، قال الطيب حمضي، الطبيب والباحث في السياسات والنظم الصحية، انه باش نتجنب تسللو للمغرب، خاص اتخاد كافة التدابير من خلال الإجراءات والبروتوكولات المعمول بها، وبتعاون المواطنين ويقظتهم.

واكد أنه خاص على المواطنين يديرو الكمامة، ويغسلو يديهم ويعقموها، ويتفاداو الزحام فالأماكن المغلقة، بالنسبة للملقحين وغير الملقحين، باش الا دخل المتحور الجديد ماغايلقاش بيئة فين ينتشر ونقدرو نحاصروه، وزاد أنه بيقظة المواطنين يمكن نجنبو البلاد تعقيدات الحالة الوبائية.

وطالب جميع المواطنين اللي عندهم 40 عام لفوق باش يسارعو ويديرو اللقاح فأقرب وقت، حيت “هذ الفئة هي أكبر نقطة ضعف للفيروس بجميع السلالات ديالو، اما الا ماتلقحاتش فيمكن ترجع اقسام الانعاش والمستشفيات تمتلأ”، كيف قال.

وقال ان متحور ديلتا بان اول مرة فالهند، ودابا ولا فكثير من دول العالم فأسابيع قليلة، وكشف أن الإصابات عند الفئات الصغيرة كبيرة على عند المسنين، بسباب حركية الشباب وعدم احترامهم للاجراءات الوقائية، وحيت تم تلقيح الفئات العمرية الأكبر.

وقال ان سرعة انتشار ديلتا كبر ب60 فالمية من متحور ألفا البريطاني، وب70 فالمية من السلالة الكلاسيكية، كيل الدراسات تبتات أن ديلتا اكثر شراسة من ألفا، حيت اللي دخلو بسبابو للسبيطار كثر من اللي دخلو للسبيطار بسباب ألفا بجوج مرات.

وقال ان اللقاح قادر يقضي على هذ القيروس ويحد من انتشارو، حيت كيضعاف مع فوة وفعالية اللقاحات، حيت اللي خداو جرعة وحدة نسبة الفعالية عندهم ضدو كتوصل ل31 فالمية، واللي خداو جوج 49 فالمية، مقابل 75 فالمية بالنسبة للسلالة الأصلية.

موضوعات أخرى