كود -وكالات//

رجعات قضية موت Jeffrey Epstein للواجهة من جديد، مورت تصريحات خطيرة ديال الطبيب الشرعي Michael Baden اللي أكد أن إبستين ما ماتش منتحر بالشنق كما كاتقول الرواية الرسمية، ولكن مات “مخنوق” ،الطبيب اللي كان حاضر فالتشريح كمراقب قال بلّي المعطيات الطبية كدل بوضوح لآثار خنق، هادشي لي ما كيتوافقش مع سيناريو الانتحار، وطالب بإعادة فتح تحقيق مستقل فسبب الوفاة، مورا  سبع سنين  من موتو فالحبس ديال نيويورك عام 2019.

الشكوك تزادت من بعد ما وزارة العدل الأمريكية DOJ خرجات ملايين الوثائق الجديدة المتعلقة بالملف، واللي فيها فيديوهات ديال كاميرات المراقبة من وسط الحبس، وتفاصيل على تحركات مشبوهة حدا زنزانة إبستين فالليلة اللي مات فيها. الوثائق كتهضر على  تضارب فالتقارير بين الأجهزة الأمنية، وحتى على خسران  الكاميرات وغياب المراقبة الليلية، الشي لي خلق  فراغ كبير فالتسلسل الزمني فأخر  لحظات من  حياتو.

الطبيب مايكل بادن أكد بلي  التشريح بين  على ثلاث تهريسات فالعنق، وهادشي  قليل  فحالات الانتحار بالشنق، وكتطرح بقوة فرضية القتل بالخنق، وخا أن الطبيبة Barbara Sampson حكمات رسمياً باي الموت كان  انتحار، ولكن   بادن قال بلّي القرار جا يامات  مورا التشريح.

هاد التناقضات ، كاملها كتاكد الشكوك باي  موت إبستين ما كانتش “انتحار عادي”، ولكن  ملف غامض فيه بزاف ديال علامات الاستفهام. ومع بانو معطيات جداد ، ولى مطلب إعادة التحقيق فالقضية مطروح بقوة، خصوصاً مع ضغط الرأي العام، واتهامات بالسترة، وغياب الثقة فالرواية الرسمية.