كود – وكالات//

يمكن تبان ليك غير لاطراس صغيرة فوق الدراع  ولكن فالحقيقة كتعاود وحدة من أعظم القصص ديال الطب الحديث، السيكراتيز اللي عندنا فالدارع كيخلّيها لقاح الجدري، اللي خداوه ملايين الناس من العالم قبل سبعينيات القرن الماضي، فالوقت اللي كان فيه الجدري من أخطر الأمراض لي كتقتل البشر.

هاد اللقاح كان كيتعطى بطريقة خاصة كتخلي الجلد يدير تفاعل موضعي، وكيخلّي وراه دوارة بقات عند بزاف ديال الناس طول حياتهم ،ومع النجاح الكبير ديال حملات التلقيح فالعالم كامل، علنات منظمة الصحة العالمية عام 1980 القضاء نهائيًا على مرض الجدري، ر ولا أول مرض بشري تم تحيد  بفضل اللقاحات.

ودابا، هاد الندبة ما بقاتش غير علامة فوق الجلد، ولكن ولات رمز لانتصار العلم والتعاون بين دول العالم، بعدما ساهمات فحماية وإنقاذ ملايين الأرواح من واحد من أخطر الأمراض اللي عرفها التاريخ.