اسماء غربي- كود//

الكاتب الطاهر بنجلون، دار مقابلة مع القناة الإسرائيلية “i24 news”، وقال فيها ان سباب تدهور العلاقات بين المغرب وفرنسا، هو الرئيس إيمانويل ماكرون، وزاد ان ماكرون قلل من احترام الملك محمد السادس.

وهضر بنجلون على بزاف  ديال المواضيع فبرنامج “حوارات مع آن كابانا” اللي داز البارح الأربعاء على القناة الاسرائيلية ، منها الدين والارهاب ومحاربة التطرف فبلادنا..

وفاش هضر على التوتر اللي كاين بين العلاقات المغربية الفرنسية، أكد الطاهر بنجلون ان إيمانويل ماكرون تصرف بغباء مع محمد السادس، وشار لقضية التجسس “بيگاسوس” واكد انها أصل تدهور العلاقات بين سيدنا وماكرون. وقال بنجلون: ماكرون تشكى، والملك رد عليه: كنعطيك كلمة شرف بأنني ما تجسستش عليك. هذا ماشي أسلوبي. وجاوبو ماكرون بطريقة ماشي لائقة، وهادشي طبعا ماعجبش الملك حيت عطاه كلمة شرف وهو ماتيقوش. ومن داك الساعة العلاقة تقطعات.

« Emmanuel Macron a été très maladroit. Il a manqué de respect au roi du Maroc et leur relation a été rompue. »

Tahar Ben Jelloun, écrivain #Conversations pic.twitter.com/aoiQs8oBRD

— i24NEWS Français (@i24NEWS_FR) May 31, 2023