وكالات //

علنات الهيئة الطاليانية للاتصالات، أنها فرضات غرامة قيمتها 5,8 مليون يورو (6,4 مليون دولار) على مجموعة “ميتا” (فيسبوك وإنستغرام) بسباب الخرق ديالها لواحد القانون كيمنع نشر الإشهارات ديال القمر.

القانون ديال الطاليان كيمنع من عام 2018 أي إشهارات ديال القمر او ألعاب الحظ كيفما كان النوع ديالها على التلفزة واللوحات الإشهارية وحتى على الإنترنيت بحال فيسبوك مثلا.

وهادي ماشي هي المرة الأولى لي تتعرض فيها الشركة لعقوبات ف أوروبا، فشحال من مرة غرموها بسباب خرقها للقواعد الخاصة بالقاصرين.

ماشي “ميتا” هي الوحيدة لي تعاقبات، فالطاليان فرضات غرامات حتى على “يوتوب” و”تويتش” بسباب القمر نيت.