كود كازا//

ذكرت تقارير ايطالية ان شرطة البلاد اتخدات لبارح الاثنين، التدابير اللازمة  لترحيل مهاجر مغربي كان عايش بإقليم بيڤو ڤالنتينو، بعدما دوز ليلة كيلعب القمر سلاها بمحاولة انتحار.

وخسر المغربي، الي تزاد سنة 1984، مبلغ مالي مهم، فايت 1000 أورو في القمر، وتعصب وتفقص وبدا كيضرب آلة القمار، وهاجم صاحب المحل واعتدى عليه، ومن بعد خرج للشارع وبدا كيغوت وكيقطع يديه بالبقايا ديال قرعة دزجاجية مهرسة.

وبعدما تدخلو البوليس، رمى راسو من العلو فالبحر محاولا الانتحار، ولكن تمكنو من إنقاده.

وفاش دارو البوليس التحريات ديالهم عليه، اكتاشفت أنه بلا وراقو، وخدام عند واحد من الباعة المتجولين فالسر.