كود – وكالات //

عرف مقر البرلمان الأوروبي فمدينة ستراسبورغ  الفرنساوية عرض ديال واحد التمتال كيضحك على الرئيس الميريكاني دونالد ترامب.

هاد التمثال كيبينو عريان وكحل الراس ومغلف كامل بالذهب عيار 23، وعاطييو سمية “الطاعون الليموني.. ملك الظلم”.

الطول ديال هاد العجب واصل لـجوج متر ونص،  ومصورين فيه ترامب جالس فوق كتاف واحد الراجل صغر منو هاز مضرب ديال الغولف وكرة أرضية وميزان.

هاد الخدمة دارها الفنان الدنماركي ينس غالشيوت لي قال بلي  هاد التمثال داروا غير باش يطنز على السياسة ديال ترامب.