الرئيسية > آش واقع > الطاشرون لملايري عبد الهادي زهير اللي حرقوه وكيقول راني شريك الامراء كيحكم فكازا. شرا فيلا فكاليفورنيا وبدا الاشغال واخا السكان كانو اعتارضو وكلشي كيخاف منو حتى العمال وومدير الوكالة الحضرية
14/01/2021 08:30 آش واقع

الطاشرون لملايري عبد الهادي زهير اللي حرقوه وكيقول راني شريك الامراء كيحكم فكازا. شرا فيلا فكاليفورنيا وبدا الاشغال واخا السكان كانو اعتارضو وكلشي كيخاف منو حتى العمال وومدير الوكالة الحضرية

الطاشرون لملايري عبد الهادي زهير اللي حرقوه وكيقول راني شريك الامراء كيحكم فكازا. شرا فيلا فكاليفورنيا وبدا الاشغال واخا السكان كانو اعتارضو وكلشي كيخاف منو حتى العمال وومدير الوكالة الحضرية

كود كازا ///

عقلتو على عبد الهادي زهير٬ الطاشرون اللي حرقو ليه وجهو وقال راه تحرق فڤيلا ديالو فبوزنيقة ومشى لبرا يداوى واخا عندو كلينيك٬ رجعات الهدرة عليه فكازا. هاد السيد اللي كانت عندو مصبنة فكازا حتى ولى ملايري شرى ڤيلا فشارع مكة بكاليفورنيا فكازا.
الڤيلا كانت فيها اشغال ووقفات لسنوات بعد احتجاج السكان. باش شراها بدا الاشغال. طبعا زهير كيقول باللي راه شريكو امير. كانت صحف اجنبية هدرات هادي سنوات على انو دخل شريك فشي مشاريع مع الامير مولاي رشيد.

دابا هاد الڤيلا غير بينات نفوذ هاد الطاشرون اللي ما معروفش كيفاش ولى ملايري وكيفاش دخل للعقار. عمال وحتى المدير العام للوكالة الحضرية كيخافو منو. كيخلعهم بشي ناس شركاء معه من غير الامراء.

صحاب العقار اللي ماشي كلهم صافيين٬ كيهدرو على ان هاد الڤيلا كتبين باللي عبد الهادي زهير كيحكم فكازا. حصل على العشرات من الاستثناءات واكد احد المنعشين العقاريين ل”كود” باللي هاد الشي وقع باش ولى بنعلي فالوكالة الحضرية وباللي واخا كان وزير الداخلية وجه دورية للولاة والعمال باش العقار يتحرك ومعاه يتحرك الاقتصاد فان حتى حاجة ما تغيرات. اللي تحركات مشاريعهم هو الطاشرون عبد الهادي زهير

مصدر اخر قال انو دابا كيخدم باسماء اخرى مدخلهم شركاء بحال هاداك شوقي عبد الواحد اللي كان تعدى على صحافي “شوف تيفي” مع سعيد الناصري رئيس الوداد. هاد شوقي مول “بيبانكم” شرا گطار من شركة “ادماج سكان” اللي مكلفة باعادة تهييء واسكان دور الصفيح٬ شراها بسعر رمزي وباللي هادا شريك صاحبو زهير.

وعلمت “كود” ان السكان اللي كانو احتجو على بناء الڤيلا محيحين وغادي يديروا وقفات احتجاجية امام المشروع وامام الوكالة الحضرية والعمالة.

موضوعات أخرى

21/01/2021 14:30

خاص. علاش لقاح سينوفارم مجاش للمغرب ومشا للإمارات؟.. مصادر لـ”كود”: درنا عقد سري وبكين كعات ورفضات تعطي للرباط الفاكسان بسبب سوء تدبير الحكومة للملف ودبا كاينين مفاوضات لجلب لقاحات أخرى

21/01/2021 14:10

دارت تصريح صحفي وماقالتش حاجة جديدة.. وزيرة الخارجية الإسبانية: خاص استئناف العملية السياسية فالصحرا برعاية الأمم المتحدة

21/01/2021 13:30

اللبار لـ”كود”: وزير الصحة ورئيس الحكومة مارسو التضليل على المغاربة بخصوص اللقاحات ومبغاوش يقولو الحقيقة على الفاكسان الصيني.. ومافيا الأدوية فرعات الاقتصاد الوطني