گود سبور//

قرر الطاشرون الميلياردير محمد بوزوبع اللي شد رئاسة الجمعية الرياضية للمغرب الفاسي الصيف اللي فات، بعدما طيح امبراطورية الجامعي من رئاسة النادي، (قرر) يدخل على الشركة الرياضية ديال الماص كشريك، وتسنى حتى قلعت الفرقة اللي متصدرة البطولة الاحترافية مع فريق الجيش الملكي، فموسم رياضي كايعرف تراجع مستوى الاندية التقليدية الكبيرة اللي كاتنافس على اللقب بحال الرجاء والوداد الرياضيين واللي بعاد عليهم غير بنقطة واحدة.

وأعلن مجلس المنافسة انه توصل بتبليغ متعلق بمشروع عملية تركيز اقتصادي يخص تولي شركة «B. Invest Holding SARL» المراقبة المشتركة لشركة «MAS SA»، إلى جانب المساهم الأصلي جمعية «Maghreb Association Sportive de Fès Football».

وباغي محمد بوزوبع يدخل شريك فشركة المغرب الفاسي اللي كاتنشظ فسوق تسيير اندية كرة القدم، وعند الأغيار المعنيين مدة 10 أيام لأداء ملاحظاتهم فهاد العملية حسب مجلس المنافسة وآخر اجل هو 4 ماي 2026.