الرئيسية > كود-تيفي > الضسارة.. بلوكَوز حيحات على بوليس كازا بعدما دارت مخالفة وفالاخير قلباتها ضحك – فيديو
09/02/2021 22:00 كود-تيفي

الضسارة.. بلوكَوز حيحات على بوليس كازا بعدما دارت مخالفة وفالاخير قلباتها ضحك – فيديو

الضسارة.. بلوكَوز حيحات على بوليس كازا بعدما دارت مخالفة وفالاخير قلباتها ضحك – فيديو

نجوى المالحي – كود //

الضسارة فين كتوصل، وداد سيري لي مشهورة غير ك”مؤثرة” في مواقع التواصل، وخاصة انستكَرام، دارت فضيحة قانونية بتصويرها لرجال الأمن في كازا وبدات تغوت ملي وقفوها باش يقيدو ليها مخالفة، وكتقول “تهددني وتمد عليا يديك. عندي وراقيا ، وكيتهجم عليا حيت هازة تلفون وكنصور”.

وداد اللي عندها مليون ونص متابع في حسابها معارفاش ان السياقة بالتلفون مخالفة، وزايداها كتصور في البوليس وهما كيديرو خدمتهم، ولي هي مخالفة اخرى.

وداد رجعات ودارت فيديو كتضحك، وقالت البوليس طلب منها السماحة وعطاها الحمص وكملات الطريق لدارها واخا هي الصراحة راها كانت دايرة مخالفة وشادة التلفون وهي سايگة.

هاد القضية ديال تصور البوليس وهي كتغوت فكرات الناس في قضية اليوتوبر “ام مهاب” لي صورات بوليسي ولي دخلات الحبس دوزات فيه شي بركة بسباب فعلتها.

https://www.instagram.com/p/CLAaWTQHk-Y/?igshid=14t0gelruou41

موضوعات أخرى