الرئيسية > تبركيك > الضحك البايخ.. صيفط ولد خوه للمدرسة لابس تيشوت مكتوب فيه “انا قنبولة” وعبارات إرهابية اخرى: تحكم عليه بشهراين سورسي وغرامة والمحكمة الأوروبية ايدات الحكم
04/09/2021 20:00 تبركيك

الضحك البايخ.. صيفط ولد خوه للمدرسة لابس تيشوت مكتوب فيه “انا قنبولة” وعبارات إرهابية اخرى: تحكم عليه بشهراين سورسي وغرامة والمحكمة الأوروبية ايدات الحكم

الضحك البايخ.. صيفط ولد خوه للمدرسة لابس تيشوت مكتوب فيه “انا قنبولة” وعبارات إرهابية اخرى: تحكم عليه بشهراين سورسي وغرامة والمحكمة الأوروبية ايدات الحكم

كود كازا//

إيدات المحكمة الأوروبية لحقوق الإنسان الحكم الصادر عن محكمة فرنسية، بحق شخص شرا لولد خوه فعمرو 3 سنين تيشوت مكتوبة فيه عبارات كتشيد بالإرهاب، فبلدة سوركَ، ففوكلوز، وكان تحكم عليه بشهرين ديال الحبس مع وقف التنفيذ وغرامة ديال 4000 أورو.

هذشي كيعود ل25 شتنبر 2012، فاش مشا الوليد اللي فعمرو 3 سنين للروض، وكان لابس تيشورت عطاتوليه ماماه وعمو، كيف ما قالت وكالة “فرانس بريس”، وهذ التيشو مكتوب فيه “أنا قنبولة” و”جهاد من مواليد 11 شتنبر”، وبسباب هذشي الإدارة علمات فالبلاصة مفتشية الاكاديمية، ومن بعد عمدة سوركَ، اللي علم المدعي العام.

فمحكمة أفينيون الجنائية، تحكم على ام الطفل وعمو بالبراءة، ولكن محكمة نيم الاستئنافية حكمات على الام بشهر موقوف التنفيذ وغرامة 2000 أورو، والعم بشهرين موقوفة التنفيذ وغرامة 4000 اورو، وفالوقت اللي الأم مادارت من بعد هذ الحكم حتى إجراء، العم استأنف القضية أمام المحكمة الأوروبية لحقوق الإنسان.

وكان قال المدعي العام أمام المحكمة الأوروبية أن العبارة المكتوبة فالتيشورت كتدخل فإطار الدعابة، والخطاب الفكاهي كتحميه المادة 10 من الاتفاقية الأوروبية لحقوق الإنسان، لكن القضاة صدرو الحكم ديالهم حيت لارتيكل عندو حدود، والضحك حتى هو عندو حدود.

والمحكمة الأوروبية قالت ان الحق فالضحك مايمكنش يسمح بكلشي، ومايمكنش التقليل من الرسالة اللي فالتيشورت، كيف تاسفات لاستغلال طفل فعمرو 3 سنين كاداة فهذشي.

موضوعات أخرى

23/09/2021 22:21

عاجل.. سالا الكلام: عمدة الرباط داتها اسماء اغلالو والاجتماع فدارها باقي مسالاش بحضور الطالبي وأوزين وها كيفاش كولشي تحسم

23/09/2021 20:30

عاجل. مرشح الاشتراكي الموحد فـ الناظور ريب “الحفلة”.. الطعون ديالو طيحات مكتب البلدية ومرشح لرئاسة المجلس الإقليمي – أحكام