وكالات//

بدات الصين كتعمم على الموظفين لي خدامين ف كاع المصالح التابعة للدولة واحد القرار كيمنعهم من استخدام التليفون ديال “آيفون” ولا أي جهاز إلكتروني ميريكاني للخدمة ديالهم.

على حساب ماقالت وكالة “بلومبورغ” الميريكانية، ف 8 ديال الولايات صينية منعات على الموظفين في البنوك والمؤسسات الحكومية أنهم يدخلو معاهم التليفونات الميريكانية لخدمتهم.

ف المقابل كتطالبهم أنهم يشريو المنتجات الصينية ويشجعو على صناعة أشباه الموصلات ديال الصين.

قبل شهر دابا، بداو 3 ديال المقاطعات هاد الإعلانات، وتزادو معاهم شي وزارات، وكيبان أن هادشي غادي يتعمم على كاع البلاد في القريب العاجل.