كود سبور//

أكد الدولي المغربي إسماعيل الصيباري، أن الماتش اللي فات ديال المنتخب الوطني المغربي ضد النيجر، برسم الدورة 5 من إقصائيات كاس العالم 2026، ما كانش ساهل وأن إفريقيا ما فيهاش شي ماتش ساهل والمهم هو الرباح.

وهضر اسماعيل الصيباري فتصريح للموقع الرسمي ديال الجامعة الملكية المغربية قبل الماتش ضد تنزانيا برسم الجولة 6 من الإقصائيات واللي الرباح فيه مؤهل إلى مونديال 2026، وقال: “الماتش اللي فات ضد النيجر كان صعيب، وعندهم فريق مزيان، وهذه هي إفريقيا ما فيهاش ماتشات ساهلين، ولكن قدرنا نربحو فالأخير والمهم هي 3 نقاط”.

وكمل الصيباري وقال: “هضرة المدرب؟ ما كاين حتى شي ماتش ساهل هنا فلافريك، وخاصنا ديما نخدمو ونعطيو كل ما عندنا، وهذا الشي اللي درنا، وحنا فرحانين، وكانشكر الجمهور بزاف حيث ديما كايعطيونا القوة وديما ورانا”.