الرئيسية > آراء > الصورة العار. تبون وشنگريحة هانو الدزايريين قبل صحراوا. خسرو لملاين باش يعالجو دميتهم غالي وشعبهم ما لقى ما ياكل. طيارات خاصة و43 ليلة فصبيطار واوطيل ل6 فهاد المدة ودولة ما عندهاش صبيطار صحيح
02/06/2021 17:00 آراء

الصورة العار. تبون وشنگريحة هانو الدزايريين قبل صحراوا. خسرو لملاين باش يعالجو دميتهم غالي وشعبهم ما لقى ما ياكل. طيارات خاصة و43 ليلة فصبيطار واوطيل ل6 فهاد المدة ودولة ما عندهاش صبيطار صحيح

الصورة العار. تبون وشنگريحة هانو الدزايريين قبل صحراوا. خسرو لملاين باش يعالجو دميتهم غالي وشعبهم ما لقى ما ياكل. طيارات خاصة و43 ليلة فصبيطار واوطيل ل6 فهاد المدة ودولة ما عندهاش صبيطار صحيح

كود سعيد الشاوي ///

دابا باش غادي يحس الجزائري اللي معروف عليه النفخة والنيف باش يشوف رئيسهم المريض عبد المجيد طبون مخلي مشاكل بلادو كلها وداير حالة استنفار فاركان الجيش الوطني الشعبي على قبال دمية بحال ابراهيم غالي زعيم البوليساريو.

اكيد صور لبروباگندا وفيديو زيارة تبون وشنگريحة فالصباح لصبيطار عسكري اسمو عين النعجة لزعيم البوليساريو ابراهيم غالي غادية تعطي نتائج عكسية. شعب خرج كثر من عام للشارع ودار حراكو ضد هاد التصرفات وناض النظام العسكري ديالهم باش يستمتع فاهانتو خرج هاد الفيديو والصور.

شعب ما عندوش بينات تحتية. ما عندوش صبيطار واحد يقدر يعالج رئيسو او يعالج زعيم البوليساريو٬ الاول مشى لالمانيا باش جاتو كورونا والثاني رسلوه لاسبانيا بعد ما تضرب بنفس الڤيروس ودار ازمة كبيرة بين الرباط ومدريد.

تصورو هاد الشعب كيشوف دمية فيد النظام كيخسرو عليه هاد الشي. طيارة عسكرية باش يمشي لصبيطار لوگرونيو. يبقى فيه من 43 ليلة ومعاه 6 فيهم رجالات النظام الجزائري وشي وحدين من البوليساريو باوطيلهم بمالكتهم. شحال غاديين يخسرو. هادا كان فالانعاش. يعني الثمن غالي الا ايلى كانت حكومة مدريد عالجاتو مجانا هادي فضيحة اخرى.

طيارة خاصة تديه واومبيلانس تنقلو اكثر من 100 كيلومتر ومن بعد تجي طيارة من الجزائر وترجع ويكريو طيارة من بوردو بفرانسا وتهزو فالليل وتحطو فالساعات الاولى من هاد النهار.

اي جزائري غادي يحس بالحگرة من هاد الانفاق غير المحدود على شخص ماهو جزائري ما هو منهم. دمية وصافي. وفوق هاد الشي مرجعينو للصبيطار العسكري اللي ما يحلم حتى جزائري يدخلو. طبعا صبيطار عيان. كون كان مزيان كاع ما يديوه لاسبانيا.

هاد الشي غادي يتقلب ليهم ببومزوي. بلاد المليون شهيد كيحمي جلاد مغتصب قتال. صحف النظام كتنقل كلام غالي اللي كيهدر فيه على الثوريين والمناضلين واحترام العدالة واخا هو راه ما برأتوش عدالة اسبانيا اللي غلبات السياسة ونقدات حكومة سانشيز من فضايح اكثر.

شعب فقير كيعاني وحكام كينفقو لملاير على مونيكات ماشي حتى من دمهم ولحمهم. اهانة واش اهانة يا بلد النخوة والنيف.

موضوعات أخرى