كود – إشبيلية//

فـجناح الحسن الثاني بمدينة إشبيلية، تنظم الخميس حفل خاص تكريمًا للصناعة التقليدية المغربية، وتم خلالو تسليم جائزة “ديموفيلو” الدولية للصنايعية التقليديين المغاربة، تقديرًا للخدمة الفنية اللي داروها حرايفية من الصويرة.

العمل الفني اللي خدا هاد الجائزة هو صليب منحوت من خشب العرعار، تصاوب بالطريقة التقليدية ديال النقش على الخشب اللي معروفة به الصويرة، هاد القطعة الفنية كتبين الخدمة الكبيرة ديال الصنايعية المغاربة والتاريخ الطويل ديال الحرف التقليدية فالمغرب.

الصليب تحط فـكاتدرائية خيرالدا، باش يعطي رسالة إنسانية كتدعو للحوار والتعايش والتسامح بين الثقافات والديانات المختلفة.

فـ2025، تم اختيار هاد الصليب باش يتهز عليه تمثال المسيح فموكب الجمعة العظيمة بمدينة إشبيلية، هاد الموكب الديني الشهير اللي كيتنظم كل عام، الصليب جا كادو من مدينة الصويرة فإطار مبادرة لتعزيز الحوار بين الأديان.

الصليب تخدم بطريقة تقليدية معروفة فالصويرة وهي تنقاشت فالخشب، هاد الحرفة اليدوية مشهورة بالدقة والجمال، ومن بعد ما تدارو ليه الفحوصات التقنية اللازمة، تقرر يتستعمل رسمياً فالموكب الديني وبان قدام الجمهور لأول مرة العام لي فات ولقا إعجاب الناس.

هاد المبادرة جات باش تعزز التقارب الثقافي والديني بين المغرب وإسبانيا، وتبين القيمة الكبيرة ديال الحرف التقليدية المغربية، خصوصًا الصناعة اليدوية اللي كتتميز بها مدينة الصويرة واللي بقات محافظة على أصالتها شحال من قرن .

https://www.diariodesevilla.es/semana_santa/cristo-corona-portara-cruz-marruecos_0_2003704762.html