الرباط – كود //

لبارح اتنين، خوا الصحافي الجزائري كمال مهوي، مراسل قناة “النهار” الجزائرية، المغرب. السيد دخل للمغرب وما عندوش الاعتماد الرسمي اللي كيتفرض على جميع الصحافيين باش يغطّيو منافسات كأس أمم إفريقيا 2025، اللي كيتنظم فالمملكة.

هاد القرار جا من بعد مراقبة عادية داخل واحد من المرافق المرتبطة بالبطولة، فين تبيّن باللي الصحفي ما دارش مسطرة الاعتماد المعتمدة من طرف الكونفدرالية الإفريقية لكرة القدم، واللي كتفرض التسجيل المسبق  فالمنصة الإلكترونية الرسمية، ويتسنا الموافقة قبل ما تبدا التظاهرة.

القوانين التنظيمية ديال “الكاف” ما كتسمح حتى بشي استثناء، خصوصاً فالدخول للملاعب والمناطق المخصّصة للإعلام، وكتُلزم جميع الصحافيين باحترام المساطر المعمول بها كيفما كان الانتماء ديالهم.

رحيل كمال مهوي جا فواحد السياق اللي كان فيه الصحفي سبق ونشر محتويات فيها انتقادات حادة لتنظيم كأس إفريقيا فالمغرب، الشي اللي خلق نقاش وردود فعل مختلفة، سوا وسط المتابعين أو حتى بين بعض الصحافيين المشاركين فالتغطية الإعلامية ديال الحدث القاري.

بنسديرة الجزائري اللي عايش فبريطانيا قال باللي الرئيس تبون وشنگريحة قالو ليه خوي المغرب. هما للي رجعوه