وكالات//

رجعات التساؤلات كتدور من جديد على مستقبل الأمير هاري وميغان ماركل، من بعد ما غادرو بشكل مفاجئ جوج شخصيات مهمّة من الفريق المهني ديالهم فـأمريكا، وهاد الشي فتح الباب لتكهنات على وجود اضطرابات داخلية فالحياة العملية ديالهم، ويمكن حتى الشخصية.

حسب تقارير إعلامية أمريكية، دوق ودوقة ساسكس فرّقو الطريق مع ميريديث ماينز المسؤولة على العلاقات العامة فأمريكا، وزيد عليها جيمس هولت اللي خلا المنصب ديالو كمدير تنفيذي لمؤسسة “أرتشويل” من بعد قرابة 5 سنين ديال الخدمة.

تزامن رحيل هاذ الجوج من الفريق ففترة قصيرة شدّ انتباه المتتبعين والمهتمين بأخبار العائلة الملكية، خصوصاً مع الهضرة اللي كتكتر على عدم الاستقرار داخل فريق العمل اللي داير بالزوجين.