الرئيسية > جورنالات بلادي > الصبليون متحالفين مع بروبگاندا البوليساريو . حذرو طياراتهم طير فوق الصحراء بسباب ما قالت انو حرب
18/02/2021 07:00 جورنالات بلادي

الصبليون متحالفين مع بروبگاندا البوليساريو . حذرو طياراتهم طير فوق الصحراء بسباب ما قالت انو حرب

الصبليون متحالفين مع بروبگاندا البوليساريو . حذرو طياراتهم طير فوق الصحراء بسباب ما قالت انو حرب

كريم الشركي-كود///

شركة الملاحة الجوية الاسبانية “اينايري”، نصحات الطائرات الاسبانية انها ماتفوتش على الصحراء المغربية فعلو منخفض.

هاد النصيحة لي هي تهويل واعتبار أن هناك حرب بين البوليساريو والمغرب في الصحراء، قالت فيها شركة الملاحة، ان الطيارات اللي كيستعملوا ثلاثة دخطوط الملاحة على الصحرا المغربية خاصهوم يتجنبو العلو المنخفض، أو مايديوزوش عليها كاع

ورغم انه ماكاينش طائرات اسبانية كتستعمل الخط الملاحي UN728 اللي كيمتد بين جزر الكناري والصحراء، بعدما وقفوا الطائرات الاسبانية فهاد الخط منذ بداية كورونا وبقاو غير الطائرات المغربية، الا أن التحذير كان موجه للطائرات لي كتستعمل الممرين الجويين UT975 و UY601، واللي كتستعملو الطائرات اللي كتربط بين اوروبا وأمريكا الجنوبية .

التحذير فيه تهويل للوضع فالصحرا، واعتبار ان البوليساريو تهديد، ويمكن يطيحو طائرات مدنية، حيث قال مقال لصحيفة ال كونفيدينسيال، أن البوليساريو كتقول انها قتلات ثلاثة دالجنود مغاربة.

موضوعات أخرى