الرئيسية > آش واقع > خاص. الصبليون كيعتارفو بمغربية الصحرا وقت ما بغاو. هادي شهرين كثر من 160 بوليسي كينزل فالسيمانا فالعيون وكيجيب معاه 80 حراگ
17/02/2021 08:30 آش واقع

خاص. الصبليون كيعتارفو بمغربية الصحرا وقت ما بغاو. هادي شهرين كثر من 160 بوليسي كينزل فالسيمانا فالعيون وكيجيب معاه 80 حراگ

خاص. الصبليون كيعتارفو بمغربية الصحرا وقت ما بغاو. هادي شهرين كثر من 160 بوليسي كينزل فالسيمانا فالعيون وكيجيب معاه 80 حراگ

كود علي الصافي العيون ///

اليوم لاربعا غادي يجي فوج جديد من لاس بالماس لمطار الحسن الاول بالعيون. من المتوقع حسب مصادر من لاس بالماس ل”كود” غادي يجي 20 حراگ ديالنا. وفق مصادر محلية ل”كود” فان هادو غاديين يوصلو بعد الظهر. هادي وحدة من 4 رحلات فالسيمانا كتجي من كبرى جرز الكناري الى المغرب.

كل رحلة وفق مصدر “كود” كتجي فيها 20 حراگ وكل حراگ كيكون معاه 2 بوليس من البوليس الوطني الاسباني. اي كيكون 40 بوليسي فكل رحلة. هادو كيجيبو حراگة ولكن فنفس الرحلة كيرجعو شي 37 بوليسي وكيبقاو ما بين 3 و4 بوليسي اسباني حتى يتم التحقق من هوية كاع اللي جابو.

مصدر من لاس بالماس قال ل”كود” باللي هاد الطريقة باش ايلى كان شي حراك ماشي مغربي خاصو يرجع مع هاد البوليسي منين جا اي اسبانيا

وفق مصدر “كود” فهاد العملية بدات هادي شهرين. عملية فيها اعتراف اسباني بمغربية الصحرا. بوليسهم كينزل فمطار الحسن الاول كيدوز على بوليس المغرب. وهادا راه عندو معنى كبير عند الجارة الشمالية.

موضوعات أخرى

04/03/2021 14:00

عشنا وشفنا. المغرب ولا يتضرب بيه المثل فالتلقيح ضد كورونا.. مقدمة معروفة ف”بي بي سي”: ختي فالمغرب تلقحات وأنا وراجلي فميريكان مازال – فيديو