وكالات//

فمشاهد ماشي معتادة وكيغلب عليها الغضب، خرجو آلاف ديال السبليونيين فمظاهرات كبيرة فعدد من المدن السياحية المعروفة، كيعبروا فيها على سخطهم من اللي سموه “الاحتلال السياحي” اللي ولى كيخنق حياتهم اليومية.

المحتجين ما بقاوش غير فالشعارات، بل بداو كيرشّو السياح بالكوابس ديال الماء، كخطوة رمزية باش يبينو أنهم ما بقاوش قابليين هاد الغزو اللي ولى كيمحي طابع المدن وكيحولها لسوق تجارية كتدوس على السكان الأصليين.

ورغم أن السياحة هي من أعمدة الاقتصاد ديال السبليون، وكتدخل للبلاد المليارات كل عام، هاد الشي ما منعش الناس يخرجو يحتجو، شايلين لافتات مكتوب فيها بحال: “السياحة الجماعية كاتقتل المدينة” و”عطلتكم هي شقائي”، كيعني أن راحة الزوار جات على حساب معاناة الناس اللي ساكنين تما.

الاحتجاجات طالت مدن معروفة بزاف بالسياحة، بحال برشلونة ومايوركا، اللي كيعرفو زحام كبير خصوصًا فالصيف.